Barpimo Coatings Kusto Group құрамына қосылды

Kusto Group жаңа бизнеске — Испанияның солтүстігіндегі Риоха өңірінен шыққан отбасылық Barpimo Coatings (@barpimocoatings) компаниясына қосылғанын қуана хабарлайды. Barpimo — жоғары сапалы бояулар, лактар мен басқа да жабындарды өндіруге маманданған, Еуропа нарығында 60 жылдан астам тарихы бар танымал бренд.

Компанияны Хуан Рос (Juan Ros) мырза негізін қалаған, ал соңғы 25 жылда оны отбасының екінші буыны кәсіби менеджерлер тобымен бірге басқарды.

Barpimo президенті Хуан Мануэль Рос Васкес (Juan Manuel Ros Vázquez): «Біз отбасылық бизнес ретінде жүріп өткен жолымызбен мақтанамыз. Kusto Group-қа қосылу туралы шешімді толық сеніммен қабылдадық — бұл компанияның болашағын, тұрақты дамуын және өсімін қамтамасыз етудің ең жақсы жолы».

Kusto Group директорлар кеңесінің төрағасы Еркін Татишев: «Barpimo-ны сатып алу — біздің портфелімізді кеңейтіп, инновациялар мен өсімге деген ұмтылысымызды күшейтеді. Біз Barpimo өнімдерінің сапасын, кең ауқымдағы ассортиментін, заманауи өндірістік қуатын және команда кәсібилігін жоғары бағалаймыз».

Алдағы айларда Barpimo-ны Kusto Group экожүйесіне кезең-кезеңімен және ұқыпты түрде интеграциялау жоспарланып отыр. Негізгі басымдық — команданың өнім мен клиентке деген фокусын сақтау.

Kusto Group құрылыс материалдары бағытын жүйелі түрде дамытып келеді:

Barpimo-ның қосылуы арқылы Kusto Group Еуропадағы позициясын нығайтып, құрылыс шешімдері саласында мықты халықаралық платформа құруды жалғастырып жатыр.